Баяр хөөрийг эрхэмлэдэг хот болох Рио-де-Жанейро нь ямар ч төрлийн аялагчдад үргэлж сэтгэл хөдөлгөм туршлага санал болгодог.

Карнавалаараа дэлхийд алдартай ч энэ хотод баяр хөөр өдөр бүр өрнөдөг. Бямба гаригийн нарлаг өдрүүдэд Ипанема далайн эрэг дээр амрах, Лапад үдэшлэгт оролцох, Маракана цэнгэлдэхэд хөлбөмбөг үзэх, эсвэл Леблон, Копакабана гудамжинд болж буй самбагийн бүжгийн тойрогт (roda de samba) нэгдэх гээд олон боломж бий.

Ногоон уулс, цэнхэр далайтай хосолсон алтан элстэй Рио бол дэлхийн хамгийн үзэсгэлэнт хотуудын нэг юм.

1. Маракана цэнгэлдэхэд хөгжөөн дэмжигчдийн уур амьсгалыг мэдрэх

Рио дахь Маракана цэнгэлдэх бол хөлбөмбөг сонирхогчдын хувьд ариун газар гэлтэй. 2014 оны ДАШТ болон 2016 оны Олимпийн наадмын нээлт, хаалтын ёслол энд болсон.

📌 Зөвлөгөө: Орон нутгийн багийн тоглолтод ирвэл, хойд болон өмнөд талын суудлуудыг сонговол уур амьсгалыг бүрэн мэдрэх боломжтой. Харин илүү тайван үзэхийг хүсвэл баруун хэсгийн суудлыг сонгоорой.

2. Копакабана далайн эрэг дээр олон нийттэй хөл нийлүүлэх

4 км үргэлжлэх Копакабана далайн эрэг нь эрч хүчтэй, хөл хөдөлгөөнтэй газруудын нэг. Хөлбөмбөг сонирхогчид өөрсдийн багийн сүлд дууг дуулж, жуулчид далайн эргийн киоскуудаас кайпиринья коктейль авч, найзуудтайгаа хөгжилдөж, хүүхдүүд элсэн дээр хөлбөмбөг тоглож байдаг.

📌 Орон нутгийн зөвлөгөө: Далайн усны чанарыг INEA вэбсайтаас шалгаарай. Хэрэв ногоон өнгөөр тэмдэглэгдсэн байвал сэлэхэд аюулгүй, харин улаан өнгөөр байвал эрэг дээр амарч, кайпириньягаа шимэх нь зүйтэй.

3. Пао-де-Асукар (Sugarloaf Mountain) уулын оргилоос үзэсгэлэнт дүр зураг харах

Пао-де-Асукар уул нь Риогийн хамгийн гайхалтай үзэмжийг харах цэг юм. Далайн түвшнээс 395 м өндөрт орших энэхүү оргилд кабелийн машин ашиглан гарна.

📌 Зөвлөгөө: Нар жаргах үеэр очвол хамгийн үзэсгэлэнтэй мөчийг харж болно. Харин хэт их ачааллаас зайлсхийхийг хүсвэл өглөөний 8 цагийн орчим очих нь дээр.

4. Ипанема далайн эргийн соёлын олон талт байдлыг мэдрэх

Ипанема далайн эрэг нь янз бүрийн соёлын хэсгүүдтэй.

• Posto 9 – Хамгийн гоолиг, борлосон биетэй хүмүүс энд цуглардаг.
• Praia Farme – ЛГБТИQ+ олон нийтийн хамгийн алдартай газруудын нэг.

5. Лапагийн шөнийн амьдралыг мэдрэх

Өмнө нь улаан дэнлүүний гудамж байсан Лапа дүүрэг өнөөдөр Риогийн хамгийн алдартай шөнийн амьдралын төв болсон.

📌 Орон нутгийн зөвлөгөө: Халаасаа ухуулахгүй, аюулгүй байх үүднээс бүлгээрээ явах хэрэгтэй.

6. Христийн хөшөөг ойроос харах (Cristo Redentor)

Криско Редентор (Христийн хөшөө) нь 710 м өндөр Корковадо уулын оргил дээр байрладаг. Шөнө хөшөө гэрэлтэж, хотын бараг бүх хэсгээс харагддаг.

📌 Зөвлөгөө: Уулын орой руу гардаг улаан өнгийн галт тэргээр явахын тулд тасалбараа онлайнаар урьдчилан захиалаарай.

7. Санта Терезагийн уран сайхны уур амьсгалыг мэдрэх

Санта Тереза нь хуучин эдлэн газрууд, чулуун гудамжтай, уран бүтээлчид ихээр суурьшдаг үзэсгэлэнтэй дүүрэг юм.

📌 Зөвлөгөө: Өвөрмөц уур амьсгалыг мэдрэхийн тулд бондо (кабелийн тэрэг) ашиглан өгсөхийг зөвлөж байна.

8. Лагоа Родриго де Фрейтас нуурын эрэг дээр амрах

Лагоа Родриго де Фрейтас нуур нь 7.25 км дугуйн зам, явган хүний замтай бөгөөд нуурын хажуугийн кафе, баарууд дээр сууж, амрахад тохиромжтой.

📌 Орон нутгийн зөвлөгөө: Гэр бүлийн аялалд фламинго хэлбэрийн завь түрээслэж нуурын тайван орчныг мэдрээрэй.

🏖 Дүгнэлт:
Рио-де-Жанейрод очвол далайн эргийн хөгжилтэй уур амьсгал, байгалийн үзэсгэлэнт газар, шөнийн амьдрал, спортын баяр хөөрийг мэдэрч, мартагдашгүй аялал хийх болно!